• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فائرنگ کے تبادلے میں زخمی ملزم سمیت 5 گرفتار، چھینے گئے 10 لاکھ برآمد

میرا شہر
اسلام آباد
20 اپریل ، 2025
راولپنڈی (سٹاف رپورٹر )تھانہ وارث خان کے علاقہ میں رات گئے فائرنگ کے تبادلے کے بعد زخمی ہونے والے ایک ملزمسمیت 5 ملزموں کو گرفتار کرلیا گیا۔ راولپنڈی پولیس کے مطابق وارث خان پولیس کو 15 کال پر شہری سے 10 لاکھ روپے کی ڈکیتی کی واردات کی اطلاع موصول ہوئی تھی جس پر پولیس نے سنیپ چیکنگ کے دوران موٹر سائیکل سوار ملزموں کو رکنے کا اشارہ کیا تو ملزمان نے فائرنگ شروع کر دی، فائرنگ کے دوران ملزموں کااپنا ایک ساتھی زخمی ہوگیا پولیس نے مذکورہ زخمی ملزم سمیت 5ملزموں کو گرفتار کرلیا ،گرفتار ملزمان میں ارسلان، قاسم، کاشف،زاہد اور شعبان شامل ہیں۔ پولیس کے مطابق ملزموں کے قبضہ سے کچھ دیر قبل شہری سے چھینی گئی رقم 10 لاکھ روپے اور موبائل فونز برآمد ہوئے،ملزمان سے وارث خان کے علاقہ سے گن پوائنٹ پر چھینا گیا موٹر سائیکل اور وارداتوں میں استعمال ہونے والا اسلحہ بھی برآمد ہوا۔پولیس کاکہناہے کہ ملزمان جڑواں شہروں میں ڈکیتی، سنیچنگ، موٹر سائیکل سنیچنگ اور چوری کے درجنوں مقدمات میں ملوث و مطلوب ہیں۔
اسلام آباد سے مزید