• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی جی پنجاب کی کرسچین کمیونٹی ومسیحی پولیس افسران و اہلکاروں کو ایسٹر پر مبارکباد

میرا شہر
اسلام آباد
21 اپریل ، 2025
راولپنڈی (سٹاف رپورٹر) انسپکٹر جنرل پولیس پنجاب ڈاکٹر عثمان انور نے ایسٹر پر کرسچین کمیونٹی اور فورس کے تمام مسیحی پولیس افسران و اہلکاروں کو ایسٹر کی مبارکباد دی۔ آئی جی پنجاب نے اپنے پیغام میں کہا کہ پنجاب پولیس مسیحی برادری کی خوشیوں میں برابر کی شریک ہے۔ ایسٹر کے موقع پر پنجاب پولیس نے بھر پور انتظامات کرتے ہوئے مسیحی برادری کو فول پروف سکیورٹی فراہم کی، صوبہ بھر میں ایسٹر کے 2594 پروگراموں کی سکیورٹی پر 17 ہزار سے زیادہ پولیس افسران اور اہلکار تعینات کیے گئے۔ لاہور میں ایسٹر کے 622 پروگراموں کی سکیورٹی پر 4 ہزار سے زیادہ پولیس افسران اور اہلکار تعینات کیے گئے۔ آئی جی پنجاب نے کہا کہ حساس گرجا گھروں پر اضافی نفری، سنائپرز اور پولیس کمانڈوز تعینات کیے گئے ہیں ۔شرکاء کو مکمل چیکنگ اور شناخت کے بعد ہی گرجا گھروں میں داخلے کی اجازت دی گئی۔ پولیس اور کمیونٹی رضا کار انتہائی چوکس رہے۔ ڈاکٹر عثمان انور نے افسران کو ہدایت دیتے ہوئے کہا کہ مشکوک افراد، سامان اور اطراف کی نقل و حرکت پرکڑی نظر رکھیں۔ سپروائزری پولیس افسران گرجا گھروں کے سکیورٹی انتظامات کی خود مانیٹرنگ کریں۔
اسلام آباد سے مزید