• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمارے آ قا ؐمحسن ِاعظمِ انسانیت بن کر تشریف لائے، پیر نقیب الرحمٰن

میرا شہر
اسلام آباد
05 مئی ، 2025
راولپنڈی (اپنے رپورٹرسے) دربارِ عالیہ عید گاہ شریف کے سجادہ نشین پیر نقیب الرحمن نے کہا ہے کہ ہمارے آقا و مولا ؐمحسن ِاعظمِ انسانیت بن کر تشریف لائے اور قیامت تک آنے والی انسانیت کے لئے تعلیماتِ نبوی ؐ بہترین تعلیم و تربیت کا سامان مہیا کرتی ہیں جن سے مزین ہو کر ہم اپنی دنیوی و اخروی زندگی سنوار سکتے ہیں اور اپنی تخلیق کے مقصد کو سمجھ سکتے ہیں، یہی نورانی تعلیماتِ نبوی ؐمخلوقِ خدا تک پہنچانا ، یاد کروانا اوران کا تزکیہ اور تربیت کرنا خانقاہی نظام کا خاصا ہے۔اِن خیالات کا اظہار اُنہوں نے عید گاہ شریف میں ہفتہ وار درسِ حدیث ِپاک کی محفل سے خطاب کے دوران کیا۔محفل کے اختتام پر پیر محمد نقیب الرحمن نے وطن ِعزیز کی سلامتی، ترقی، افواجِ پاکستان کی سربلندی، کشمیر و فلسطین کے مسلمانوں کی ظلم و بربریت سے نجات و آباد کاری کیلئے خصوصی دعا کی۔
اسلام آباد سے مزید