• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مجالس عزا، ماتمی جلوس روٹس پر صفائی ستھرائی کو یقینی بنایا جائے گا، سی سی او سالڈ ویسٹ

میرا شہر
ملتان
22 مئی ، 2025
ملتان ( سٹاف رپورٹر) سالڈ ویسٹ مینجمنٹ کمپنی کے سی سی او عبدالرزاق ڈوگر نے کہا ہے کہ لائسنسداروں کے مسائل حل کرنا اولین ترجیح ہے، مجالس عزا اور ماتمی جلوس روٹس پر صفائی ستھرائی کے انتظامات کو یقینی بنایا جائے گا تاکہ لائسنسداروں اور جلوسوں میں شامل عزاداروں کو کسی قسم کی پریشانی کا سامنا نہ کرنا پڑے جب کہ ممبر صوبائی اتحاد بین المسلمین کمیٹی پنجاب و تحفظ عزاداری کونسل کے مرکزی صدر خاور شفقت بھٹہ نے کہا کہ ماتمی جلوس روٹس پر صفائی کے انتظامات کو یقینی بنایا جائے اور تین شفٹوں میں ملازمین کی ڈیوٹیوں کو یقینی بنایا جائے، ان خیالات کا اظہار انہوں نے ممبر صوبائی اتحاد بین المسلمین کمیٹی پنجاب و تحفظ عزاداری کونسل کے مرکزی صدر خاور شفقت بھٹہ کی قیادت میں ضلع ملتان کے قدیمی و مرکزی امام بارگاہوں کے لائسنسداروں کے وفد سے ماہ محرم الحرام کے انتظامات کے سلسلے میں سالڈ ویسٹ دفتر میں کی گئی ملاقات میں کیا اس موقع پر ڈی ایچ او انوار الحق،زونل انچارج ملک بلال بھٹہ ،اسسٹنٹ منیجر آپریشن ملک سجاد بھٹہ ،سیکٹر انچارج محمد شہباز کے علاوہ مرکزی سینئر نائب صدر مخدوم سید صدر الدین گیلانی، ڈویژنل صدر انجینئر سخاوت علی سیال ،مرکزی سیکریٹری جنرل سید طالب حسین پرواز ،ملک شجر عباس کھوکھر،شاہد رضا صدیقی،ملک مظہر عباس کھاکھی سمیت دیگر موجود تھے۔
ملتان سے مزید