• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایران کے امریکی بیسز پر حملے، خطے میں ٹمپریچر مزید بڑھ گیا، تجزیہ کار

آج کا اخبار
اہم خبریں
24 جون ، 2025
کراچی (ٹی وی رپورٹ) جیوکے پروگرام ’’آج شاہزیب خانزادہ کے ساتھ‘‘میں میزبان نےاپنے تجزیئے میں کہا کہ ایران کی طرف سے امریکہ کی بحرین، قطر ، کویت اور عراق کی چار بیسز پر حملے کئے گئے ہیں، خطے میں ٹمپرچر مزید بڑھ گیا ،سعودی صحافی خالد المعینا نے کہا کہ میں جدہ میں موجود ہوں اور ایسٹرن کے صوبے کے پاس گڑ بڑ ہو رہی ہے ایرانی ایکشن کافی سرپرائزنگ تھا قطر ہمیشہ سے نیوٹرل رہا ہے اور عالمی محفلوں میں ایران کی سپورٹ کی ہے،ایرانی صحافی جون حسین نے کہا کہ تہران میں تقریباً دس میزائل حملے ہوئے ہیں اور ایران کے ایئر ڈیفنس نے کچھ میزائل انٹرسیپٹ بھی کئے ہیں ۔میزبان شاہزیب خانزادہ نے تجزیہ پیش کرتے ہوئے کہا کہ ایرانی سرکاری ٹی وی کے مطابق قطر میں امریکی اڈوں کے خلاف آپریشن شروع کر دیاگیا ہے ایران نے قطر میں امریکی اڈوں پر چھ میزائل فائر کیے ہیں۔ اسرائیلی میڈیا یہ رپورٹ کر رہا ہے کہ ایران کی طرف سے امریکہ کی بحرین، قطر ، کویت اور عراق کی چار بیسز پر حملے کیے گئے ہیں اس خطے میں ٹمپرچر مزید بڑھ گیا ہے۔
اہم خبریں سے مزید