• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خانوادہ رسول ﷺ کی سیرت وکردار مسلمانوں کیلئے مشعل راہ ہے، مجالس سے علما کا خطاب

آج کا اخبار
شہر قائد/ شہر کی آواز
06 جولائی ، 2025
کراچی (اسٹاف رپورٹر) محفل مرتضی میں عشرہ محرم کی نویں مجلس سے خطاب کے دوران مولانا ابو طالب طبا طبائی نے کہا کہ خانوادہ رسول ﷺ کی سیرت وکردار مسلمانوں کیلئے مشعل راہ ہے ، جنہوں نے دین کو سر بلند کیا اور حق و باطل کے معرکہ کے دوران اسلام کو زندہ و جاوید کیا ،مولانا بدر الحسنین عابدی نے جامع مسجد و امام بارگاہ باب النجف بفر زون میں عشرہ محرم کی مجلس سے خطاب کے دوران کہا کہ حق و باطل کی جنگ میں اولا دعلی کو کامیابی نصیب ہوئی ، آج بھی ان شہداء کی یا د عقیدت واحترام سے منائی جاتی ہے جنہوں نے خدا کی راہ میں اپنا سب کچھ قربان کردیا اور یزیدی لشکر کو ہمیشہ کیلئے نیست و نابود کیا ، جامع مسجد و امام بارگاہ حیدری اورنگی ٹائون میں منعقدہ عشرہ محرم کی مجلس سے خطاب کے دوران مولانا تقی مہدوی اور مولانا مرزا حیدر علی نے کہا کہ مسلمان فکر و فلسفے پر عمل کرتے ہوئے استحکام دین کیلئے کام کریں کیونکہ تعلیمات محمد وآل محمد ﷺ کا پیغام اتحاد و وحدت ہے ، بعد ازاں مجالس میں مقامی انجمنوں نے نوحہ خوانی و ماتم داری کی گئی۔
شہر قائد/ شہر کی آواز سے مزید