• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد، ہفتہ وار بازاروں میں ٹریفک کی روانی برقرار رکھنے کیلئے آپریشن

میرا شہر
اسلام آباد
14 جولائی ، 2025
اسلام آباد (خصوصی نامہ نگار) چیف ٹریفک پولیس آفیسر اسلام آباد کیپٹن ریٹائرڈ سید ذیشان حیدر کی خصوصی ہدایات کی روشنی میں اسلام آباد ٹریفک پولیس نے اتوار کو ہفتہ وار بازاروں میں ٹریفک کی روانی برقرار رکھنے کے لئے آپریشن جاری رکھا، افسران کو فرائض کی انجام دہی میں کوتاہی نہ برتنے کی ہدایت کی گئی،ٹریفک پولیس کی نفری کو تمام داخلی و خارجی راستوں، پارکنگ ایریاز اور حساس مقامات پر تعینات کیا گیا ہے تاکہ کسی بھی قسم کی بدنظمی یا رکاوٹ سے بچا جا سکے،چیف ٹریفک پولیس آفیسر اسلام آباد کیپٹن ریٹائرڈ سید ذیشان حیدر نے شہریوں سے اپیل کی ہے کہ وہ اپنی گاڑیاں مختص کردہ پارکنگ ایریاز میں ہی پارک کریں تاکہ ٹریفک کی روانی متاثر نہ ہو، خلاف ورزی کی صورت میں قانونی کارروائی عمل میں لائی جائے گی، جس میں گاڑی کا چالان اور دیگر اقدامات شامل ہیں۔ انہوں نے مزید کہا کہ اسلام آباد ٹریفک پولیس شہریوں کی سہولت اور نظم و ضبط کے لیے ہمہ وقت مستعد ہے،شہری ٹریفک قوانین کی پابندی کر کے مہذب شہری ہونے کا ثبوت دیں۔
اسلام آباد سے مزید