• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لانگ مارچ کی کامیابی کیلئے مختلف علاقوں میں جلسے ہونگے،جماعت اسلامی

میرا شہر
کوئٹہ
17 جولائی ، 2025
کوئٹہ(اسٹاف رپورٹر) جماعت اسلامی کے ضلع کوئٹہ کے امیر عبدالنعیم رند نے کہا ہے کہ جماعت اسلامی مہنگائی، بے روزگاری، بد امنی اور لاپتہ افراد کی بازیابی کیلئے 25 جولائی کو کوئٹہ سے اسلام آباد کی جانب لانگ مارچ، عوامی مسائل اجاگر کرنے کے لئے کوئٹہ میں سریاب، کچلاک اور پشتون آباد میں جلسے منعقد کئے جائیں گے، یہ بات انہوں نے بدھ کو عبدالغنی، شاہ زمان لہڑی، علی احمد لانگو، سلمان گل کی جماعت اسلامی میں شمولیت کے موقع پر کوئٹہ پریس کلب میں پریس کانفرنس کرتے ہوئے کہی۔ اس موقع پر صوبائی امیر مولانا عبدالحمید منصوری، جمیل احمد مشوانی، شاہ زیب لہڑی، اعجاز محبوب، عبدالولی شاکر، مولانا انعام اللہ سمیت دیگر بھی موجود تھے۔ انہوں نے کہا کہ میاں محمد شہباز شریف نے کہا تھا کہ راتوں رات پیٹرولیم مصنوعات کی قیمتوں میں اضافے میں وزیرا عظم کی چوری کو ظاہر کرتا ہے اقتدار پر براجمان ہوکر سابق حکومت پر تنقید کرنے والوں کی چوری اب عوام کے سامنے عیاں ہوچکی ہے، موجودہ وفاقی اور صوبائی حکومتیں بے اختیار عوام کے مسائل کے حل میں ناکام ہوچکی ہیں سلیکٹڈ حکمرانوں کے ہاتھ میں کچھ نہیں کسی کی جان و مال محفوظ نہیں ہر طرف افرا تفری اور بد امنی نظر ہے لوگ اپنے آپ کو غیر محفوظ تصور کرتے ہیں۔ حقیقی مسائل کے حل کو نظر انداز کرنے کے باعث لوگوں کا کوئی پرسان حال نہیں ہے ، جماعت اسلامی ملک گیر اور عوامی مسائل سے باخبر اور ان کے حق کیلئے جدوجہد کررہی ہے اور 25 جولائی کو اسلام آباد سے کوئٹہ کیلئے لانگ مارچ کرے گی عوام میں شعور بیدار کرنے کے لئے 18 جولائی کو سریاب، 19 جولائی کو کچلاک اور 20 جولائی کو پشتون آباد میں جلسہ ہوگا ۔
کوئٹہ سے مزید