• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوتھ ڈویلپمنٹ ، اضلاع میں جوان مراکز، نوجوانوں کی معاشی ترقی منصوبہ پر کام جاری

میرا شہر
پشاور
20 جولائی ، 2025
پشاور (خصوصی نامہ نگار) صوبے میں نوجوانوں کی ترقی و بہبود کیلئے ڈائریکٹوریٹ آف یوتھ افیئرز خیبر پختونخوا نے ماہ جون کی سرگرمیوں کی رپورٹ جاری کردی ہے۔ رپورٹ کے مطابق نوجوانوں کیلئے صوبائی حکومت کی جانب سے تین بڑے منصوبوں پر کام جاری ہے جن میں یوتھ ڈویلپمنٹ پیکج، اضلاع میں جوان مراکز کا قیام اور نوجوانوں کی معاشی ترقی کیلئے شروع کردہ مثالی منصوبہ "احساس نوجوان پروگرام" شامل ہیں۔یوتھ ڈویلپمنٹ پیکج کا مقصد نوجوان طبقے کو ہنر یافتہ بنانے، انہیں وسائل اور جدید دور کے مواقع سے استفادہ اٹھانے کیلئےآراستہ کرنا ہے جبکہ صوبے کے بندوبستی اور ضم اضلاع میں جوان مراکز کا قیام نوجوانوں کیلئے اجتماعی ربط،تربیت اور رہنمائی کیلئے ہر طرح کی سہولیات سے لیس مراکز فراہم کرنا ہے۔ احساس نوجوان پروگرام نوجوان طبقے کیلئے کاروباری و روزگار کے مواقع کی فراہمی کو یقینی بنانے کیلئے شروع کیا گیا ہے جسکا باقاعدہ افتتاح وزیراعلی ٰخیبرپختونخوا علی امین خان گنڈاپور نے کیا ہے۔ رپورٹ کے مطابق احساس نوجوان پروگرام کے فزیکل اور فنانشل کارکردگی کے سلسلے میں 30 جون 2025 تک کے اعداد وشمار کے مطابق بنک آف خیبر کے تحت دیئے جانے والے بڑے بلا سود قرضہ جات سکیم کے زمرے میں سال 25-2024 کیلئے 500 ملین روپے رکھے گئے تھے۔ اس مالی سال میں 250 قرضے بنک آف خیبر کے ذریعے دینے کا ہدف مقرر کیا گیا جبکہ اس مد میں 12739 مجموعی درخواستیں موصول ہوئیں جن میں 191 درخواستوں کی اہلیت کی بنیاد پر سکروٹنی کی گئی جبکہ 2880 درخواستیں پروسس میں ہیں۔ اسکیم کی اس مد میں 191 عدد بلاسود قرضے میرٹ کے مطابق منظور ہوئے ہیں اور ان قرضہ جات کی مد میں 524 ملین روپے منظور ہوئے ہیں۔اس طرح 401 ملین روپے ان قرضوں کی مد میں تقسیم کئے گئے ہیں۔ اخوت فاؤنڈیشن کے تحت احساس نوجوان سکیم کے چھوٹے بلاسود قرضوں کے منصوبے کے اعدادوشمار کے مطابق فزیکل اور فنانشل کاکردگی میں 30 جون 2025 تک سال 25-2024 میں 600 ملین روپے جاری کئے گئے ۔
پشاور سے مزید