• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بڑھتی بدامنی،جماعت اسلامی کا 30جولائی کو پشاورمیں امن جرگے کافیصلہ

میرا شہر
پشاور
25 جولائی ، 2025
پشاور(جنگ نیوز)جماعت اسلامی نے صوبہ خیبرپختونخوا میں جاری بدترین بدامنی کے خلاف معاشرے کے تمام طبقات سے مشاورت کے لئے 30جولائی کو پشاور میں دہ امن غگ کے نام سے امن جرگہ منعقد کرنے کا اعلان کیا ہے۔امن جرگہ کے حوالے سے جماعت اسلامی خیبرپختونخوا وسطی کے صوبائی میڈیا سیل کے زیراہتمام مرکز الاسلامی میں سوشل میڈیا کے ضلعی ذمہ داران کا اہم اجلاس نائب امیر صوبہ میاں صہیب الدین کاکاخیل کی صدارت میں منعقد ہوا۔اجلاس میں ڈائریکٹر میڈیا احمد فرقان خلیل،صوبائی سیکرٹری اطلاعات نورالواحد جدون،سوشل میڈیا انچارج صداقت محمود سمیت اضلاع کے ذمہ داران نے شرکت کی اجلاس میں امن مارچ کی کامیابی کے لئے صوبہ بھر میں سوشل میڈیاکی ٹیموں کو منظم کر کے گراس روٹ لیول پر انتظامات کی منصوبہ بندی کی گئی۔اس موقع پر جماعت اسلامی خیبرپختونخوا وسطی کے امیر عبدالواسع نے خطاب کرتے ہوئے کہا کہ اس وقت صوبہ خیبرپختونخواکا سب دے بڑامسلہ قیام امن کاہے۔انہوں نے کہا کہ اس وقت معاشرے کا ہرفرد بدامنی سے براہ راست متاثرہے اور کاروبارٹھپ ہوکر رہ گئے ہیں انہوں نے کہا ہے کہ عوام کو درپش مسائل کی اصل وجہ صوبے میں جاری بدامنی ہے۔انہوں نے کہا کہ جماعت اسلامی 30,جولائی کو گل مکئی شادی ہال نزد نادرن بائی پاس میں امن جرگہ منعقد کرےگی جس سے تمام سیاسی جماعتوں کے قائدین وکارکنان سمیت علمائے کرام، وکلا، تاجر برادری،چیمبرآف کامرس کے نمائندوں،صحافیوں سمیت معززین شہرکثیرتعداد میں شریک ہوں گے۔امن جرگہ سے امیر جماعت اسلامی پاکستان انجینرحافظ نعیم الرحمن خصوصی خطاب کریں گے۔
پشاور سے مزید