• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی سمیت ساحلی مقامات پر بوندا باندی کا امکان

آج کا اخبار
اہم خبریں
28 جولائی ، 2025
کراچی (نیوزڈیسک)کراچی سمیت ملک کے ساحلی مقامات پر آئندہ تین روز بوندا باندی کا امکان ہے جبکہ موسم زیادہ تر ابرآلود رہے گا۔ شہرقائد کا زیادہ سے زیادہ درجہ حرارت 33تا 35ڈگری کے درمیان رہنے کی پیشگوئی کی گئی ہے۔ محکمہ موسمیات کے مطابق منگل کو رات اور صبح کے دوران کراچی سمیت ملک کے ساحلی مقامات پر آئندہ تین روز بوندا باندی کا امکان ہے جبکہ دن بھر معمول سے یز ہوائیں چلنے کی توقع ہے۔ محکمہ موسمیات کاکہنا ہے کہ شہرقائد کا زیادہ سے زیادہ درجہ حرارت 33تا 35ڈگری کے درمیان رہنے کی توقع ہے۔ ‏صبح کے وقت نمی کا تناسب 80اور شام کو 65فیصد تک ریکارڈ ہو سکتا ہے جبکہ سمندری ہوائیں مکمل طور پر فعال رہنے کی توقع ہے۔ صوبے کے بیشتر علاقوں میں بنیادی طور پر موسم گرم اور مرطوب رہنے کا امکان ہے تاہم ٹنڈواللہ یار، عمر کوٹ، میرپور خاص، سانگھڑ، تھرپارکر، مٹھی، ٹھٹھہ اور بدین کے اضلاع میں چند مقامات پر تیز ہواوٴں، آندھی اور گرج چمک کے ساتھ بارش کا امکان ہے۔ملک کے بالائی علاقوں میں موسلادھار بارشوں کے باعث گڈو اور سکھر بیراج میں نچلے درجے کا سیلاب ہے جبکہ کوٹری بیراج پر پانی کا بہاؤ معمول کے مطابق ہے۔
اہم خبریں سے مزید