فرمان الہی
نماز کے اوقات
کراچی( اسٹاف رپورٹر)وفاقی حکومت زائرین سے پابندی ہٹانے کے موقف کا کوئی مثبت جواب نہیں دے رہی ،پابندی لگانے سے پہلے اور بعد میں اسٹیک ہولڈرز کو اعتماد میں نہیں لیا گیا،زمینی راستے سے زیارت پر جانے کیلئے کسی رکاوٹ کو برداشت نہیں کریں گے،جن زائرین کے ایرانی ویزے لگ چکے ہیں اپنے سفری سامان سمیت تیار رکھیں،6 اگست کو زائرین کے ہمراہ کراچی سے ریمدان بارڈر مارچ کیا جائے گا،ان خیالات کا اظہار وائس چیئرمین مجلس وحدت مسلمین علامہ احمد اقبال رضوی نے کراچی میں مسجدو امام بارگاہ شہدائے کربلا انچولی میں منعقدہ زائرین امام حسینؑ کانفرنس سے صدارتی خطاب میں کیا ، انہوں نے کہا کہ بلوچستان میں اربعین حسینؑ کے لئے عراق روانگی سے قبل دفعہ 144کا نفاذ سازش ہے، زیارات پر جانا ہمارا آئینی و قانونی حق ،عوام کی جان و مال کا تحفظ ریاست کی ذمہ داری ہے،کانفرنس کے آخر میں مشترکہ اعلامیہ جاری کیا گیا جس میں کہا گیا کہ علامہ راجہ ناصر عباس جعفری کے اعلان کے مطابق تمام زائرین قافلے زیارت اربعین کے لیے 6اگست کو دوپہر 3بجے کراچی شاہراہ پاکستان سے ریمدان بارڈر کے لیے نکلیں گے، کاروان میں ہزاروں کی تعداد میں عزاداران زائرین کو الوداع کہنے کے لیے قافلوں کی صورت ساتھ چلیں گے،کانفرنس میں زیارات ٹریول و ٹور آپریٹرز، قافلہ سالار ،پلگرم ایسوسی ایشن ،ہیت آئمہ مساجد کے رہنما مولانا صادق تقوی. مولانا حیدر عباس، نعیم الحسن اور دیگرنے شرکت کی۔
