• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی چیک کے ملزم کی عبوری ضمانت پر سماعت وکلا بحث کے بعد خارج کرنیکا حکم

میرا شہر
ملتان
07 اگست ، 2025
ملتان (سٹاف ر پورٹر) ایڈیشنل سیشن جج ملتان نے بوگس چیک دینے کے مقدمہ میں ملوث ملزم کی عبوری ضمانت پر سماعت وکلا بحث کے بعد خارج کرنے کا حکم دیا ہے، جوڈیشل مجسٹریٹ ملتان نے بغیر اطلاع مکان کرایہ پر دینے کے مقدمہ میں گرفتار ہونے والے دوملزموں کو جوڈیشل ریمانڈ پر جیل بھجوانے کا حکم دیا ہے، ایڈیشنل سیشن جج ملتان نے خاتون کو زیادتی کا نشانہ بنانے کے مقدمہ میں ملوث ملزم ملوث ملزم کی ضمانت پر سماعت وکلا بحث کے بعدمنظور کر نے کا حکم دیا ہے، ایڈیشنل سیشن جج ملتان نے مرضی کی شادی کرنیوالی لڑکی کو ہراساں و پریشان کرنے سے متعلق درخواست پر ایس ایچ او تھانہ سیتل ماڑی کو ہراساں کرنے سے باز رہنے کا حکم دیا ہے، جوڈیشل مجسٹریٹ ملتان بغیر این او سی ایل پی جی فروخت کر نے وا لے تین ملزموں کو 30ہزارروپے کے ضمانتی مچلکوں پر رہا کرنے کا حکم دیا ہے، ایڈیشنل سیشن جج ملتان نے واپڈا کی مین لائن میں ڈائریکٹ تار لگا کر بجلی چوری کرنے کے مقدمہ میں ملوث ملزم کی عبوری ضمانت 50 ہزار کے ضمانتی مچلکوں کے عوض کنفرم کرنے کا حکم دیا ہے، ایڈیشنل سیشن جج ملتان نے گھر میں گھس کر خاتون کو تشدد کر نے کے مقدمہ میں ملوث ملزم کی ضمانت بعد از گرفتاری پر سماعت وکلا بحث کے بعد منظورکرنے کا حکم دیا ہے،جوڈیشل مجسٹریٹ ملتان نے غیر قانونی اسلحہ برآمد ہونے کے مقدمہ میں ملوث ملزم کو 50 ہزار روپے کے ضمانتی مچلکوں کے عوض رہا کرنے کا حکم دیا ہے۔ فاضل عدالت نے تھانہ صدر جلالپور پیروالہ میں درج ملزم کاشان کو 3 بور پستول اور 3 عدد گولیاں برآمد ہونے کے مقدمہ میں ضمانت پر رہا کرنے کا حکم دیا ہے۔
ملتان سے مزید