فرمان الہی
نماز کے اوقات
کراچی ( اسٹاف رپورٹر )شہدائے کربلا اور نواسہ رسول حضرت امام حسینؑ کا چہلم عقیدت و احترام کے ساتھ جمعہ 20 صفرکو منایا جائیگا، مرکزی مجلس صبح پاک محرم ہال کے زیر اہتمام نشترپارک میں ہوگی، بعد ازاں مرکزی جلوس نشتر پارک سے برآمد ہوگا جو اپنے مقررہ راستوں سے ہوتا ہوا امام بارگاہ حسینیہ ایرانیا ن کھارادرپر اختتام پذیر ہوگا، جلوس کی گزر گاہوں پر موبائل سروس جزوی طور پر بند رکھنے کے انتظامات کرلیئے گئے ہیں اور سیکیورٹی کے بھی سخت انتظامات کیئے گئے ہیں، کراچی میں سفینتہ المومنین ٹرسٹ کے تحت چہلم امام حسین ؑ کی مجلس مسجد و امام بارگاہ شاہ نجف مارٹن روڈ میں ہوگی، بعد ازاں جلوس برآمد ہوگا جو گرومندر سے نشتر پارک پہنچ کر مرکزی جلوس میں شامل ہوجائیگا ، امامیہ اسٹوڈنٹس آرگنائزیشن کراچی ڈویژن کی جانب سے نماز ظہریں باجماعت دوپہر 1:30 پر مین ایم اے جناح روڈ نزدک تاج میڈیکل کمپلیکس حجت الاسلام والمسلمین مولانا ناظر عباس تقوی کی اقتدا میں ادا کی جائے گئی، جلوس کے راستے میں پانی کی سبیلیں اور طبی کیمپ لگائے گئے ہیں۔
