فرمان الہی
نماز کے اوقات
اسلام آباد (این این آئی)قومی اسمبلی میں اپوزیشن لیڈر عمر ایوب کی نااہلی کے بعد الیکشن کمیشن میں اہم تعیناتیوں کا معاملہ التواء کا شکار ہوگیا، نئے اپوزیشن لیڈر کی تعیناتی تک چیف الیکشن کمشنر اور دو ارکان کی تقرری ممکن نہیں۔ذرائع کے مطابق اپوزیشن لیڈر کی تقرری کیخلاف خود تحریک انصاف نے حکم امتناع لے رکھا ہے۔ چیف الیکشن کمشنر اور دو ارکان کی تعیناتی کیلئے آئینی طور پر وزیراعظم اور اپوزیشن لیڈر میں مشاورت لازمی ہے، مشاورت کے بعد نام پارلیمانی کمیٹی کو بھیجے جائینگے جو حتمی فیصلہ کریگی۔ذرائع کے مطابق وزیراعظم کے خط کو تین ماہ گزرنے کے باوجود سابق اپوزیشن لیڈر عمر ایوب نے جواب نہیں دیا تھا۔ انہوں نے براہِ راست اسپیکر قومی اسمبلی کو کمیٹی بنانے کا مراسلہ بھجوا دیا تھا جس پر اسپیکر نے وزیراعظم سے مشاورت کا کہہ دیا۔
