• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دھی رانی پروگرام کا دائرہ کار قیدیوں کی بیٹیوں تک بڑھا دیا، سہیل شوکت

میرا شہر
لاہور
26 اگست ، 2025
لاہور(خصوصی نمائندہ)وزیراعلیٰ پنجاب مریم نواز کے ویژن کے تحت صوبہ بھر کی جیلوں میں قید افراد کی بیٹیوں کے مستقبل کو سنوارنے کے لیے ایک تاریخی اور انقلابی قدم اٹھایا گیا ہے۔ "دھی رانی پروگرام" کا دائرہ کار اب قیدیوں کی معصوم بیٹیوں تک بڑھا دیا گیا ہے، تاکہ وہ بھی زندگی کی خوشیوں اور بنیادی سہولتوں سے محروم نہ رہیں۔صوبائی وزیر سوشل ویلفیئر و بیت المال سہیل شوکت بٹ نے اعلان کیا کہ یہ پروگرام ان بیٹیوں کے لیے امید کی نئی کرن بنے گا جو اپنے والدین کی قید کی وجہ سے مشکلات کا شکار ہیں۔ انہوں نے کہا کہ محکمہ سوشل ویلفیئر کے تمام ریجنل ڈائریکٹرز کو واضح ہدایات جاری کر دی گئی ہیں کہ وہ جیلوں میں موجود قیدیوں کا مکمل ڈیٹا جمع کریں تاکہ "دھی رانی پروگرام" کے تحت ان بیٹیوں کو شامل کیا جا سکے۔
لاہور سے مزید