• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئندہ چوبیس گھنٹوں میں کشمیر ،شمال مشرقی پنجاب و دیگر علاقوں میں بارش کا امکان

میرا شہر
اسلام آباد
26 اگست ، 2025
اسلام آباد (اپنے نامہ نگار سے ) گزشتہ روز شمال مشرقی پنجاب، بالائی سندھ، بالائی خیبر پختونخوا ، کشمیر اورگلگت بلتستان میں چند مقامات پر تیز ہواؤں اور گرج چمک کے ساتھ بارش ہوئی تاہم ملک کے دیگر علاقوں میں موسم گرم اور مرطوب رہا، محکمہ موسمیات کے مطابق سب سے زیادہ بارش قصور میں 63ملی میٹر ریکارڈ کی گئی ، نارووال 13، لاہور 11، لاڑکانہ 40، دیر 29، مالم جبہ 19، راولاکوٹ 09، بگروٹ میں 06 ملی میٹر بارش ہوئی ، محکمہ موسمیات کے مطابق آئندہ چوبیس گھنٹوں کے دوران کشمیر اور شمال مشرقی پنجاب میں بیشتر مقا مات پر جبکہ بالائی خیبر پختونخوا، جنوبی پنجاب اور شمال مشرقی/جنوبی بلوچستان میں چند مقا مات پر تیز ہواؤں اور گرج چمک کے ساتھ بارش کی توقع ہے ، اس دوران شمال مشرقی پنجاب اور کشمیر میں تیز/موسلادھار بارش کا امکان ہے۔
اسلام آباد سے مزید