• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایک کلومیٹر روڈ کی بحالی‘ بیوٹیفکیشن منصوبہ تیزی سے مکمل ہو رہا ہے، کمشنر

میرا شہر
ملتان
26 اگست ، 2025
ملتان (سٹاف رپورٹر)کمشنر ملتان عامر کریم خاں مظفر آباد پارک، ایس پی چوک سے گیلانی فلائی اوور تک جاری سڑک کی تعمیر پر معیار اور رفتار کا جائزہ لینے کے لیے سائیٹ کا دورہ کیا،انہوں نے کہا کہ ایک کلومیٹر طویل روڈ کی بحالی اور بیوٹیفکیشن کا منصوبہ تیزی سے تکمیل کی جانب بڑھ رہا ہے۔ 26 ملین روپے مالیت کے اس منصوبے میں روڈ کارپٹنگ مکمل کی جا چکی ہے ،انہوں نے ہدایت کی کہ گیلانی فلائی اوور کے گرد گرین بیلٹس اور آئی لینڈز کی خوبصورتی کے کام کو مزید تیز کیا جائے جبکہ پی ایچ اے اس حوالے سے فوری اقدامات کرے۔ بجلی کے کھمبوں کو روڈ سے ہٹانے کے لیے میپکو کو بھی ہدایت جاری کر دی گئی ہے،انہوںنے روڈ کے اطراف بنچز لگانے، ڈیوائیڈرز پر ریفلیکٹر نصب کرنے اور ٹائر بسٹر لگانے کی بھی ہدایت دی تاکہ ایک طرف شہریوں کو سفر کی بہتر سہولت فراہم کی جا سکے تو دوسری طرف ون وے کی خلاف ورزی کو روکا جا سکے،بعد ازاں کمشنر ملتان ڈویژن نے مظفر آباد پارک کا تفصیلی دورہ کیا اور پارک کی موجودہ صورتحال کا جائزہ لیا،انہوںنے کہا کہ پارک میں پارکنگ کی سہولت نہ ہونے کے باعث شہری مشکلات کا سامنا کر رہے ہیں، اس لیے ریلوے کی ملحقہ زمین کو پارکنگ کے لیے استعمال کرنے کی تجاویز طلب کی جائیں،انہوں نے اس بات پر بھی برہمی کا اظہار کیا کہ شہریوں نے پارک کے درمیان سے غیر قانونی راستے نکال رکھے ہیں، جنہیں فوری طور پر بند کیا جائے۔
ملتان سے مزید