فرمان الہی
نماز کے اوقات
لاہور(نمائندہ خصوصی)امیر جماعت اسلامی حافظ نعیم الرحمن ٰ نے کہا ہے کہ سیاسی جماعتیں باہمی اختلافات بھلا کر متاثرین سیلاب کی مدد کیلئے آگے آئیں، شمالی علاقہ جات میں تباہی کے بعد اب پنجاب سیلاب کی زد میں آچکا،پاکستان ماحولیاتی تبدیلیوں کے اثرات سے سب زیادہ متاثر ہورہاہے، شمالی علاقہ جات میں بڑی تباہی کے بعد اب پنجاب سیلاب کی زد میں آچکاہے،تمام سیاسی جماعتیں باہمی اختلافات سے بالاتر ہو کر متاثرین سیلاب کی مدد کیلئے آگے آئیں۔گزشتہ روز انہوں نے پنجاب کے مختلف علاقوں میں سیلاب سے ہونے والی تباہی پر گہرے دکھ اور افسوس کا اظہار کرتے ہوئے جماعت اسلامی اور الخدمت کے کارکنان اور رضاکاران کو امدادی سرگرمیوں میں تیزی لانے اور دکھی انسانیت کی بڑھ چڑھ کر مدد کرنے کی ہدایات جاری کی ہیں۔ حافظ نعیم نے موجودہ صورتحال کے تناظر میں تمام سیاسی جماعتوں کے کارکنان کو دعوت دیتے ہوئے کہا کہ سب مل کر اور دیگر وابستگیوں کو پسِ پشت ڈال مشکل وقت میں متاثرین کی خدمت کریں اور اس سلسلہ میں الخدمت فاؤنڈیشن بہترین پلیٹ فارم ہے۔
