فرمان الہی
نماز کے اوقات
دبئی (نمائندہ خصوصی) آئی سی سی ٹی ٹوئنٹی ورلڈکپ آئندہ برس 7فروری سے 8مارچ تک ہونے کا امکان ہے۔ میزبانی بھارت اور سری لنکا کریں گے۔ میگا ایونٹ میں 20 ٹیمیں حصہ لیں گی۔ میچز بھارت میں میچز کم از کم پانچ اور سری لنکا میں دو وینیوز پر ہوں گے۔ کرکٹ ویب سائٹ کے مطابق فائنل احمد آباد یا کولمبو میں کھیلا جائے گا ۔ تاہم اس کا انحصار پاکستان کے فائنل میں پہنچنے پر ہوگا ۔ پاکستان ٹیم اپنے میچز سری لنکا میں کھیلے گی۔ آئی سی سی شیڈول کو حتمی شکل دینے میں مصروف ہے ۔ ٹی ٹوئنٹی ورلڈ کپ کیلئے 15 ٹیموں کی تصدیق ہو چکی ہے ۔ بھارت، سری لنکا، افغانستان، آسٹریلیا، بنگلہ دیش ، ساؤتھ افریقہ ،پاکستان،انگلینڈ ،یو ایس اے، ویسٹ انڈیز، نیوزی لینڈ، آئر لینڈ، کینیڈا ، نیدرلینڈز اور اٹلی کی ٹیمیں بھی شامل ہیں۔ دو ٹیمیں افریقہ اور تین ایشیا اینڈ ایسٹ ایشیا پیسفک کوالیفائر سے شرکت کریں گی۔ ورلڈ کپ2024 فارمیٹ کے مطابق کھیلا جائے گا۔ 20ٹیموں کو چار گروپس میں تقسیم کیا جائے گا چار گروپس کی ٹاپ دو ٹیمیں سپر ایٹ مرحلے کے لیے کوالیفائی کریں گی ۔ سپر ایٹ مرحلے کے دو گروپس کی ٹاپ دو دو ٹیمیں سیمی فائنل کے لیے کوالیفائی کریں گی۔
