فرمان الہی
نماز کے اوقات
اسلام آباد(کامرس رپورٹر ) سی سی پی نے بینک مکرامہ کو گلوبل ہیلی ڈویلپمنٹ لمیٹڈ ایکوائر کرنے کی منظوری دے دی ، بینک مکرامہ لمیٹڈ اور میسرز گلوبل ہیلی ڈویلپمنٹ لمیٹڈ کو سکیم آف ارینجمنٹ کے تحت انضمام کی منظوری دی گئی ہے، ۔ مجوزہ ٹرانزیکشن کے تحت رئیل سٹیٹ اور انفرااسٹرکچر ڈویلپمنٹ کے شعبے سے منسلک کمپنی گلوبل ہیلی ڈویلپمنٹ لمیٹڈ بینک مکرامہ لمیٹڈ، جو ایک پبلک لسٹڈ بینکنگ ادارہ ہے، میں ضم کر دیا جائے گا۔معاہدے کے مطابق بینک مکرامہ لمیٹڈ گلوبل ہیلی ڈویلپمنٹ لمیٹڈ کے شیئر ہولڈرز کو عام حصص جاری کرے گا۔ بینک مکرامہ میں ضم ہونے کے بعد گلوبل ہیلی ڈویلپمنٹ لمیٹڈ تحلیل ہو جائے گا۔دونوں کمپنیاں پاکستان کے اندر ہی کمرشل بینکنگ کی مارکیٹ سے وابستہ ہیں ۔ سٹیٹ بینک آف پاکستان سے حاصل کردہ معلومات اور فراہم کردہ ڈیٹا کی بنیاد پر نوٹ کیا گیا کہ بینک مکرامہ کا کمرشل بینکنگ مارکیٹ میں شئیر میں نارمل ہے جبکہ گلوبل ہیلی ڈویلپمنٹ لمیٹڈ بینکنگ سیکٹر میں کام نہیں کر رہی، لہذا اس انضمام سے مارکیٹ میں کسی قسم کا اوورلیپ نہیں ہو گا۔
