فرمان الہی
نماز کے اوقات
کراچی (این این آئی)صدر آصف علی زرداری نے وفاقی وزیر داخلہ محسن نقوی کو پیپلز پارٹی اور مسلم لیگ (ن) کے درمیان سیاسی کشیدگی میں کمی کیلئے کردار ادا کرنے کی ہدایت کردی۔ محسن نقوی کی (آج) بدھ کو وزیراعظم شہباز شریف سے ملاقات متوقع ہے۔ تفصیلات کے مطابق وزیر داخلہ محسن نقوی نے بلاول ہاؤس کراچی میں صدر پاکستان آصف علی زرداری سے ملاقات کی۔ملاقات میں ملک کی مجموعی سیاسی صورتحال اور خصوصا سندھ اور پنجاب حکومت کے درمیان پائے جانے والے تنا پر تفصیلی تبادلہ خیال کیا گیا۔ صدرِ مملکت نے وزیرِ داخلہ کو موجودہ سیاسی حالات میں کردار ادا کرنے کی ہدایت کردی جبکہ دونوں رہنماؤں نے اتحادی جماعتوں کے درمیان رابطوں کو مزید موثر بنانے پر بھی اتفاق کیا۔ذرائع کے مطابق پیپلز پارٹی اور مسلم لیگ (ن)کے درمیان جاری مکالمے کی جنگ کو ختم کرنے کیلئے مذاکراتی ماحول پیدا کیا جا رہا ہے۔
