• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغانستان سے کشیدگی کم کرنے میں اب بھی کردار ادا کرسکتا ہوں، فضل الرحمان

آج کا اخبار
اہم خبریں
15 اکتوبر ، 2025
اسلام آ باد ( نیو زرپورٹر)امیر جے یو آئی مولانا فضل الرحمن نے کہا ہے کہ ماضی میں بھی پاکستان اور افغانستان کے درمیان کشیدگی کم کرنے میں کردار ادا کیا تھا اب بھی کرسکتا ہوں، افغان قیادت سے رابطے ہوئے ہیں، وہ معاملات کو افہام و تفہیم سے حل کرنا چاہتی ہے، پاک افغان جنگ بندی تو ہوگئی، اب زبان بندی بھی ہونی چاہئے، ریاست کو سوچنا چاہئے کہ کیا مغربی محاذ کھولنا اس وقت کسی طرح درست جنگی حکمت عملی ہے ؟سوشل میڈیا سمیت ہر جگہ دونوں ممالک کو اشتعال کی بجائے معاملات کو ٹھنڈا کرنے کی کوشش کرنی چاہئے۔انہوں نے ان خیا لات کا اظہار کنونشن سنٹر اسلام آباد میں میڈیا سے گفتگو کرتے ہوئے کیا۔انہوں نے کہا کہ افغان وزیر خارجہ امیر خان متقی کے کشمیر پر بیان پر واویلا کرنے کی بجائے کشمیر پر اپنے کردار کو بھی دیکھنا چاہئے،کشمیر پر پاکستان نے کتنی پالیسیاں بدلی ہیں وہ بھی سب کے سامنے ہے ۔کیا پاکستان اقوام متحدہ کی قراردادوں کی روح کے مطابق کشمیر کا حل چاہتا ہے ،اس کے لئے کیا پیشرفت کی ہے۔ افغانستان کی انٹیلی جنس اور دیگر عسکری صلاحتیں ابھی ابتدائی مراحل میں ہیں۔
اہم خبریں سے مزید