فرمان الہی
نماز کے اوقات
کراچی (اسٹاف رپورٹر ) سندھ ہائی کورٹ کے جسٹس محمد اقبال کلہوڑو کی سربراہی میں دو رکنی بینچ نے کراچی چڑیا گھر سے زخمی مادہ ریچھ رانو کی محفوظ مقام پر منتقلی کے لئے کمیٹی اور مبصرین کو 2 نومبر کو کراچی چڑیا گھر کے دورے اور جانوروں کے معائنے کا حکم دیدیا، شہری جوڈ ایلن کی فوری سماعت کی درخواست کی سماعت ہوئی، درخواست گزار کے وکیل نے کہا کہ 17 اکتوبر کو سرکاری حکام نے منتقلی کے لئے دو ہفتوں کا وقت مانگا تھا، عدالت نے وزیر اعلیٰ سندھ کی قائم کردہ کمیٹی کو چڑیا گھر کے دورے اور جانوروں کی حالت سے متعلق رپورٹ تیار کرنے کا حکم دیا تھا، 22 اکتوبر کو کمیٹی ارکان کو خط لکھنے کے باوجود تاحال کسی رکن کا جواب نہیں آیا ، ابھی تک رانو کی منتقلی کے لئے پنجرہ تیار نہیں ہوسکا ہے،اسلام آباد سے آئی ٹیم نے معائنہ کرکے رانو کے جسم پر تین زخموں میں کیڑوں کی تصدیق کی ہے،عدالت نے درخواست کی سماعت 6 نومبر کو مقرر کرتے ہوئے معائنے کی رپورٹ پیش کرنے کا حکم دیدیا۔
