• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرپشن الزام میں گرفتار سابق اے ڈی سی آر سیالکوٹ اقبال سنگھیڑ راولپنڈی پولیس حراست سے فرار

آج کا اخبار
اہم خبریں
17 نومبر ، 2025
راولپنڈی (حافظ وسیم اختر ،سٹاف رپورٹر) کرپشن کے الزام میں گرفتارسابق اے ڈی سی آر سیالکوٹ اقبال سنگھیڑا راولپنڈی پولیس کی حراست سے فرار ہوگیا،راولپنڈی پولیس ملزم کو تھانہ اینٹی کرپشن راولپنڈی کے ایک مقدمہ میں عدالت میں پیشی کے لئے راولپنڈی لائی تھی جہاں پیشی کے بعدواپس لاہورجاتے ہوئے ملزم کابھائی اسے اپنے ساتھیوں کے ہمراہ پولیس کی حراست سے لے کرفرار ہوگیا،ذرائع کے مطابق اینٹی کرپشن پنجاب نے ایڈیشنل ڈپٹی کمشنرریونیوسیالکوٹ محمد اقبال سنگھیڑا کورواں برس یکم اگست سیالکوٹ میں ایک ہاؤسنگ سوسائٹی کے این اوسی کے بدلے کروڑوں روپے رشوت لینے کے الزام میں گرفتار کیاتھا ،پولیس نے تین روز اہم ملزم کے فرار کی خبر چھپائے رکھی،پولیس ملازمین کی غفلت ولاپرواہی پر تھانہ چکری راولپنڈی میں مقدمہ درج کر لیا گیا۔یہ کیس لاہورکی اینٹی کرپشن عدالت میں چل رہاہے اور وہ اسی مقدمہ میں لاہور جیل میں پابند سلاسل تھا،اینٹی کرپشن حکام کاکہنا ہے کہ ملزم کے خلاف تھانہ اینٹی کرپشن راولپنڈی میں 2022 میں ایک ایف آئی آر نمبر16 بجرم 420،468،471ت پ5/2/47 درج ہوئی جس میں اس کی پیشی تھی اور اڈیالہ جیل گارد پولیس اسے پیشی کے لئے لاہورجیل سے راولپنڈی لائی تھی اور پیشی کے بعد واپس لاہور لے جاتے ہوئے وہ راولپنڈی پولیس کی مبینہ ملی بھگت سے چکری موٹروے کے قریب فرار ہوگیا، تھانہ چکری کوآرآئی جوڈیشل گارداڈیالہ جیل انسپکٹر اصغرنےایف آئی آردرج کرواتے ہوئے بتایاکہ تھانہ اینٹی کرپشن راولپنڈی میں درج 2022کے مقدمہ کے ملزم محمداقبال سنگھیڑا جوکہ لاہور جیل میں بند تھا ،کی 13نومبر کو سپیشل جج اینٹی کرپشن راولپنڈی کی عدالت میں تاریخ پیشی تھی جس کولینے کے اے ایس آئی ظفراقبال مع کانسٹیبلزیاسر ،احمد بلال سرکاری پک اپ گاڑی نمبر آرآئی جی 17 جو کو ڈرائیورکانسٹیبل محرم شہزاد چلارہاتھا 12نومبر کولاہور گئے ،جومذکورہ پولیس اہل کاروں نے ملزم محمداقبال سنگھیڑا کو لاہورجیل سے زیرحراست لاکرمعزز عدالت سپیشل جج اینٹی کرپشن راولپنڈی میں پیش کیا ،اور اسی روز ملزم کوواپس بند کرانے کے لئے لاہورروانہ ہوئے۔
اہم خبریں سے مزید