فرمان الہی
نماز کے اوقات
کراچی(اسٹاف رپورٹر)انٹرنیشنل کرکٹ کونسل ٹی20 ورلڈ کپ2026ء کے شیڈول کا اعلان ممبئی میں 25 نومبر کو کیا جائے گا, پاکستان اور بھارت کی ٹیمیں ایک گروپ میں شامل ہوں گی۔ پاکستان اور بھارت کے درمیان مقابلہ 15 فروری کو کولمبو میں ہو گا۔ پاکستان اور بھارت کے ساتھ دیگر ٹیمیں نیدرلینڈز، نمیبیا اور امریکا کے ہونے کا امکان ہے۔مشترکہ میزبان سری لنکا کے گروپ میں آسٹریلیا، زمبابوے، آئر لینڈ اور عمان کی ٹیمیں شامل ہوں گی جبکہ انگلینڈ، ویسٹ انڈیز، بنگلہ دیش، نیپال اور اٹلی کا ایک گروپ میں شامل ہونے کا امکان ہے۔جنوبی افریقا، نیوزی لینڈ، افغانستان، یو اے ای اور کینیڈا کے ایک گروپ میں شامل ہونے کا امکان ہے۔ آئی سی سی ٹی ٹوئنٹی ورلڈ کپ کے بھارت میں میچز ممبئی، کولکتہ، چنائی، دہلی اور احمد آباد میں ہوں گے جبکہ سری لنکا میں میچز کولمبو اور کینڈی میں کھیلے جائیں گے۔پاکستان ٹیم اپنے میچ سری لنکا میں کھیلے گی۔ احمد آباد کو فائنل کے لیے منتخب کیا گیا ہے،پاکستان کے پہنچنے کی صورت میں فائنل کولمبو میں ہو گا۔سیمی فائنل کے لیے ممبئی اور کولکتہ کو چنا گیا ہے، پاکستان کے پہنچنے کی صورت میں سیمی فائنل سری لنکا میں ہی کھیلا جائے گا۔
