فرمان الہی
نماز کے اوقات
لاہور(خصوصی نمائندہ)وزیراعلیٰ پنجاب مریم نوازشریف نے کہا ہے کہ ضمنی الیکشن ریفرنڈم ثابت، مقبولیت کا بت پاش پاش ،قیدی نمبر 804کو گھر میں گھس کر شکست دی، آج فیض حمید ہے اور نہ عمران دار ججز جو پی ٹی آئی کو جتواتے تھے،کبھی اتنی منافقت نہیں دیکھی کہ ہارگئے توبائیکاٹ،غیر ملکی اخبار لکھ رہے پنجاب جادو ٹونے پر چلتا تھا، صوبے میں ہونے والے ضمنی انتخابات میں مسلم لیگ ن کی شاندار کامیابی پر اظہار تشکر کرتے ہوئے کہا ہے کہ یہ الیکشن نہیں ریفرنڈم تھا جو مسلم لیگ ن نے جیتا، قیدی نمبر 804 کو گھر میں گھس کر شکست دی، جب عوام ساتھ ہوں تو الیکشن کا کسی صورت بائیکاٹ نہیں کرتے۔ مسلم لیگ ن نے بیانیے پر نہیں کارکردگی پر ضمنی الیکشن جیتا، آج فیض حمید ہے اور نہ وہ ججز جو پی ٹی آئی کو جتواتے تھے۔وزیر اعلیٰ پنجاب نے صوبائی وزرا اور سیکرٹریز کے اجلاس سے خطاب کرتے ہوئے کہا کہ کبھی اتنی منافقت نہیں دیکھی کہ ہارگئے توبائیکاٹ تھا، جب دھاندلی ہوتی ہے تو دنیا دیکھتی ہے، آج غیر ملکی پبلی کیشن لکھ رہی ہیں کہ پنجاب جادوٹونے پر چلتا تھا، جادوٹونے سے بس تھوڑی دیر کیلئے ہی کامیابی مل سکتی ہے، آج ملاقات کیلئے روتے ہیں، پوری مسلم لیگ ن کے ساتھ یہی ہوتا تھا، میری چھوٹی بیٹی 13سال کی تھی اورملاقات نہیں کرائی جاتی تھی۔انہوں نے بتایا کہ مجھے نوازشریف سے ملاقات کیلئے ہفتے میں ایک بار 20منٹ کی اجازت ملتی تھی۔
