فرمان الہی
نماز کے اوقات
اسلام آباد(نامہ نگار، عاطف شیرازی) حکومت کاآئندہ پندرہ روز کیلئے ہائی اسپیڈ ڈیزل اورمٹی کے تیل کی قیمت میں نمایاں کمی کا اعلان جبکہ پیٹرول کی قیمت برقرار رکھنے کا فیصلہ ۔ پیٹرولیم ڈویژن نے پیٹرولیم مصنوعات کی نئی قیمتوں کا اعلامیہ جاری کر دیا۔ اعلامیے کے مطابق ہائی اسپیڈ ڈیزل 14 روپے ،مٹی کا تیل 12 روپے 32 پیسے فی لیٹر سستا کر دیا گیا ، پیٹرول کی قیمت 263 روپے 45 پیسے فی لیٹر برقرار رہے گی، ہائی اسپیڈ ڈیزل کی نئی قیمت 265 روپے 65 پیسے فی لیٹر مقرر کی گئی ۔مٹی کے تیل کی قیمت میں 12 روپے 32 پیسے فی لیٹر کمی کی گئی ، جس کے بعد مٹی کے تیل کی نئی قیمت 180 روپے 54 پیسے فی لیٹر مقرر کر دی گئی ۔ نئی قیمتوں کا اطلاق آج رات 12 بجے سے ہوگیا۔
