• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کے شہری مہنگے پھل اور سبزیاں خریدنے پر مجبور

آج کا اخبار
اہم خبریں
22 دسمبر ، 2025
کراچی (آئی این پی) کراچی کے مختلف بازاروں میں مہنگائی کا سلسلہ بدستور جاری ہے، جہاں روزمرہ استعمال کی اشیا خصوصا پھل اور سبزیاں سرکاری نرخوں کی بجائے کہیں زیادہ قیمتوں پر فروخت ہورہی ہیں۔مرغی کا گوشت سرکاری قیمت 670روپے فی کلو کے مقابلے میں 800 روپے فی کلو تک فروخت کیا جارہا ہے، جس سے شہریوں کی مشکلات میں اضافہ ہو گیا جبکہ سبزیوں کی قیمتوں میں بھی نمایاں اضافہ دیکھنے میں آرہا ہے۔مارکیٹ میں بھنڈی 230روپے کی بجائے 300روپے فی کلو، توری 127کی بجائے 200 روپے فی کلو اور کریلا 104روپے کے مقابلے میں 200روپے فی کلو فروخت ہو رہا ہے۔ News subscription service اسی طرح میتھی ساگ بھی 115روپے کی بجائے 200روپے فی کلو میں دستیاب ہے۔ پھلوں کی قیمتوں میں بھی اضافہ دیکھا گیا ہے، کیلا سرکاری نرخ 98 روپے کی بجائے 150 سے 200 روپے درجن میں فروخت ہو رہا ہے جبکہ کینو 240 روپے کی بجائے 300روپے فی درجن میں دستیاب ہے۔سیب گولڈن کی قیمت بھی 298 روپے کے مقابلے میں 400 روپے فی کلو تک پہنچ گئی ۔
اہم خبریں سے مزید