• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر، وزیر اعظم کی مسیحی برادری کو کرسمس کی دلی مبارکباد

میرا شہر
اسلام آباد
25 دسمبر ، 2025
اسلام آباد(نیو زرپورٹر)صدر آصف زرداری وزیراعظم محمد شہباز شریف نےکرسمس25دسمبر 2025 پراپنے پیغام میں کہا ہے کہ آج کرسمس کے پرمسرت اور بابرکت موقع میں عوام اور حکومت پاکستان کی جانب سے دنیا بھر اور بالخصوص پاکستان میں بسنے والی مسیحی برادری کو دلی مبارکباد پیش کرتا ہوں۔ وزیر اعظم نے کہا کہ تمام اہل وطن کو اس تہوار کی روایتی خوشیاں مبارک ہوں۔حضرت عیسی علیہ السلام کی ولادت باسعادت کے اس مبارک دن ہم دعاگو ہیں کہ یہ کرسمس مسیحی برادری اور ہمارے ملک کے لیے باعث امن و استحکام اور خوشحالی کی نوید لے کر آئے۔کرسمس نہ صرف مسیحی برادری کا جشن و تقریبات پر مشتمل مذہبی تہوار ہے بلکہ یہ پوری انسانیت کے لئے پیغام محبت ، امن و رواداری اور خیر سگالی کے جذبات سے ہمیں ایک دوسرے سے جوڑتا ہے۔حضرت عیسی علیہ السلام، اللہ تعالی کے ایک جلیل القدر پیغمبر کی حیثیت سے اسلام میں نہایت محترم مقام رکھتے ہیں۔ انہوں نے پوری انسانیت کے لیے امن، بھائی چارے اور محبت کا پیغام دیا اور لوگوں کو نیکی، تقوی اور پاکیزہ طرز زندگی کی تلقین کی۔ ہمارے مسیحی بھائی پاکستان میں بڑی فعال، مثبت اور پر امن برادری کی حیثیت سے قابل قدر کردار ادا کر رہے ہیں۔ ملک کی مجموعی سماجی و معاشی ترقی کے لئے انکی مخلصانہ کاوشیں تحسین کے لائق ہیں۔
اسلام آباد سے مزید