فرمان الہی
نماز کے اوقات
کراچی(اسٹاف رپورٹر)پاکستان کرکٹ بورڈ کی دو نئی ایچ بی ایل پی ایس ایل ٹیمیں بیچنے کیلئے ٹیکنیکل ایویلیوایشن مکمل ہوگئی،دو نئی فرنچائزز کے لیے دی گئی بولیوں کا تکنیکی جائزہ بھی مکمل کرلیا گیا،پی سی بی کو دنیا بھر سے دو نئی ٹیموں کے لیے 12 بولیاں موصول ہوئیں۔پی سی بی کی بولی کمیٹی نے جانچ پڑتال کے بعد 10 کو اہل قرار دے دیا۔تکنیکی معیار پر پورا اترنے والی 10 پارٹیوں نیلامی کے مرحلے میں شامل ہوں گی۔دو نئی ٹیموں کی نیلامی 8 جنوری کواسلام آباد میں ہو گی۔نیلامی کا عمل جناح کنونشن سینٹر اسلام آباد میں ہو گا۔کامیاب پارٹیاں راولپنڈی، حیدر آباد، فیصل آباد، گلگت، مظفرآباد اور سیالکوٹ میں سے نام منتخب کر سکیں گے۔پی ایس ایل کے سی ای او سلمان نصیر کی اہل بولی دہندگان کو مبارکباد۔مقامی اور غیر ملکی سرمایہ کاروں کی بھرپور دلچسپی خوش آئند ہے۔
