فرمان الہی
نماز کے اوقات
کراچی (اسٹاف رپورٹر) مہاجر قومی موومنٹ پاکستان کے وائس چیئر مین شوکت اللہ فاروقی نے آفاق احمد کی رہائشگاہ پر ضلعی کمیٹیوں کے مشترکہ اجلاس سے خطاب کرتے ہوئے کہا ہےکہ سندھ کے شہری علاقوں پر مشتمل علیحدہ صوبے کا قیام مہاجروں کی بقاء کیلئے ضروری ہے، حکمراں اسے سیاسی نعرہ سمجھنے کی غلطی نہ کریں، صوبے کی تقسیم کی بات پر چراغ پا وزیروں کو ملک توڑنے کے نعرے سنائی نہیں دیتے،انہوں نے کہا کہ صوبے کی تقسیم اور شہری علاقوں پر مشتمل نئے صوبے کا قیام پیپلز پارٹی کی کرپشن سے ملک کو بچانے کیلئے ضروری ہے، نئے صوبے کے قیام سے پاکستان کامعاشی حب ترقی کریگاجو خوشحال اور مضبوط پاکستان کیلئے ضروری ہے،انہوں نے کہا کہ سندھ کی تقسیم کی لکیر ذوالفقارعلی بھٹو نے کھینچی تھی ہم تو صرف اسے عملی جامہ پہنانا چاہتے ہیں، حکومت نے اپنی رویش اور پالیسز کو تبدیل نہ کیا تو مہاجر قوم بڑے فیصلے لینے پر مجبور ہوجائیگی۔
