فرمان الہی
نماز کے اوقات
کراچی( افضل ندیم ڈوگر) پولیس سروس آف پاکستان کے گریڈ 22کے افسر غلام نبی میمن انسپکٹر جنرل پولیس سندھ کے عہدے سے ریٹائر ہوگئے۔ بدھ کو آخری دن کی ڈیوٹی ختم ہوتے ہی شام 5بجے انہیں سینٹرل پولیس آفس کراچی سے بینڈ باجے کے ساتھ انتہائی پرتپاک اور والہانہ انداز سے رخصت کیا گیا۔ روایتی طور پر گارڈ آف آنر عہدہ سنبھالنے والے آئی جی کو پیش کیا جاتا ہے مگر غلام نبی میمن پہلے افسر ہیں جو بطور انسپکٹر جنرل پولیس سندھ مدت ملازمت پوری کرکے رخصت ہوئے تو گارڈ آف آنر سے رخصت کیا گیا۔ اس موقع پر بہت سے جذباتی مناظر دیکھنے میں آئے خود سابق پولیس سربراہ سمیت بیشتر افسران اور ملازمان کی انکھیں پرنم تھیں۔ غلام نبی میمن دو مرتبہ آئی جی سندھ رہے۔ انہوں نے اج ختم ہونے والے اپنے اخری دور میں پولیس سروس اف پاکستان کے گریڈ 21 سے 22 میں بھی ترقی پائی۔
