• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تین اشتہاریوں سمیت 13 جرائم پیشہ عناصر گرفتار، منشیات اور اسلحہ برآمد

میرا شہر
اسلام آباد
08 جنوری ، 2026
اسلام آباد (خصوصی نامہ نگار) وفاقی دارالحکومت پولیس نے سنگین جر ائم میں ملوث تین اشتہاریوں سمیت 13 جرائم پیشہ عناصر گرفتار کر کے منشیا ت اور اسلحہ معہ ایمونیشن برآمد کر لیا، مقدمات درج، مزید تفتیش جاری ہے۔ تھانہ کوہسار ،تھانہ سمبل ،تھانہ سہالہ ،تھانہ مارگلہ ،تھانہ رمنا ،تھانہ شالیمار ،تھانہ شمس کالونی ،تھانہ بھارکہواور تھانہ کراچی کمپنی پولیس ٹیموں نے 10ملزمان کو گرفتار کرکے ان کے قبضہ سے 2,510 گرام چرس ،بھاری مقدار میں آئس، چار عددمختلف بو ر کے پستول اور تین عدد رائفلیں معہ ایمونیشن برآمد کرلیں، مجرمان اشتہا ری اور عدالتی مفرروان کی گرفتار ی کے لئے چلا ئی جا نے والی خصوصی مہم کے دوران تین مجرمان کی گرفتار ی عمل میں لا ئی گئی، ایس ایس پی آپریشنزاسلام آبادقاضی علی رضا نے کہاکہ اسلام آباد پولیس وفاقی دارلحکومت میں شہریوں کی جان ومال کے تحفظ کو یقینی بنانے کے لئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان و ما ل کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یاایمرجنسی ہیلپ لائن "پکار"15-پرفوری اطلاع دیں تاکہ پولیس اور عوام کے باہمی تعاون سے شہر کو جرائم سے پاک کیاجاسکے۔
اسلام آباد سے مزید