فرمان الہی
نماز کے اوقات
کراچی (شکیل یامین کانگا/اسٹاف رپورٹر) ٹاپ کھلاڑی محمد آصف نے این بی پی نیشنل اسنوکر چیمپئن شپ میں دو سنچری بریک کھیلے جبکہ سہیل شہزاد نے نے حارث خان کے خلاف سنچری بریک کھیلتے ہوئے 4-0کی کامیابی حاصل کی۔ دیگر سینئر کھلاڑیوں محمد سجاد، اسجد اقبال، شاہد آفتاب نے بھی اپنے اپنے میچز جیتے لئے۔ نیشنل بینک اسپورٹس کمپلکس میں ایونٹ کے پہلے روز شاہد آفتاب نے دانیال شہزا د کو 4-0 ، مدثر یعقوب نے محمد یوسف ، محمد سجا د نے ایم فرحان ، ایم فیضان نے شاہ خان ، اویس اللّٰہ منیر نے شاہ زیب ، ذوالفقار عبدالقادر نے ایم شہباز ، محمد آصف نے برجیس خان ، اسجد اقبال نے آفتاب بیگ ، حسنین اختر نے محمد نسیم اختر ، علی حمزہ نے غلام عباس ، سہیل شہزاد نے حارث خان ، آئن مارک جون نے ناصر شاہ کو شکست دیدی۔ ٹورنامنٹ میں شرکت کرنے والے 48کھلاڑیوں کو 12 گروپس میں تقسیم کیا گیا ہے۔ مقابلوں میں انڈر 17 اور انڈر 21 کے جونیئر چیمپئنز بھی شرکت کررہے ہیں۔
