فرمان الہی
نماز کے اوقات
کراچی (اسٹاف رپورٹر) پاکستان سپر لیگ 11 کیلئے ریٹینشن پالیسی میں تبدیلی کے بعد فرنچائز کو مشکلات کا سامنا ہے۔وہ نئے مسائل سے دوچار ہوگئی ہیں۔ پی ایس ایل کے اگلے ایڈیشن کے لیے ہر ٹیم ہر کیٹیگری میں صرف ایک کھلاڑی کو برقرار رکھ سکے گی، اس طرح اسٹار کھلاڑی اپنی ٹیموں میں جگہ برقرار نہیں رکھ سکیں گے۔ لاہور قلندرز کو پلاٹینم کیٹیگری میں شاہین شاہ آفری، فخر زمان اور ڈیرل مچل میں سے کسی ایک کو ریٹین کرنا ہے۔ پشاور زلمی کی پلاٹینم کیٹیگری میں بابراعظم، صائم ایوب اور ٹام کوہلر ہیں، جسے بابر اعظم یا صائم ایوب میں کسی ایک کے انتخاب کا آپشن ہوگا۔ اسلام آباد یونائیٹڈ نسیم شاہ کو ریٹین کرے گی ، یا کپتان شاداب خان کو، ٹیم انتظامیہ کےلیے یہ فیصلہ مشکل بن گیا ۔ اسی طرح کوئٹہ گلیڈی ایٹرز کو ڈائمنڈ کیٹیگری میں ابرار احمد یا محمد عامر میں سے ایک کا انتخاب کرنا پڑے گا۔
