• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکوؤں نے خاتون کو بے ہوشی کا انجکشن لگاکر گھر کا صفایا کردیا

آج کا اخبار
اہم خبریں
27 جنوری ، 2026
کراچی ( اسٹاف رپورٹر )کورنگی ساڑھے پانچ جی ایریا میں گھر میں ڈاکوؤں نے خاتون کو بے ہوشی کا انجکشن لگاکر گھر کا صفایا کردیا۔ واردات دو خواتین سمیت 3 ڈاکوؤں نے کی۔واقعہ کا مقدمہ زمان ٹاؤن تھانے میں متاثرہ خاتون کی مدعیت میں درج کرلیا گیا ہے۔ مدعیہ خاتون کے مطابق دروازہ کھولا تو ایک خاتون سامان فروخت کرنے آئی تھی۔ خاتون کو اندر بلایا تو اس نے اپنی بیٹی کو فون کرکے مزید سامان لانے کا کہا۔خاتون کی بیٹی کے ساتھ ایک لڑکا بھی زبردستی اندر آگیا۔لڑکے نے مجھے اسلحہ دکھاکر بے ہوشی کا انجکشن لگادیا۔ میں نے مزاحمت کی تو لڑکے نے میرا سر دیوار سے مار دیا جس سے میں بے ہوش ہوگئی۔خاتون کے مطابق ملزمان نے تجوری کھول کر 7لاکھ روپے نکال لئے۔ملزمان 15گرام کے دو سونے کے سیٹ، 4 انگوٹھیاں، بریسلٹ اور موبائل فون لے گئے۔
اہم خبریں سے مزید