فرمان الہی
نماز کے اوقات
کراچی (جنگ نیوز) سندھ پبلک سروس کمیشن کے کمبائنڈ کمپیٹیٹو ایگزامینیشن (ایگزیکٹو کیڈر) سی سی ای 2023 کے حتمی نتائج، جن کا اعلان 2 فروری 2026 کو کیا گیا، نے خاص طور پر پسماندہ طبقات اور اقلیتی پس منظر سے تعلق رکھنے والے امیدواروں کی صورت میں کامیابی کی کئی متاثر کن داستانیں رقم کی ہیں۔ یہ نتیجہ میرٹ، شفافیت اور مساوی مواقع کی فراہمی کے لیے سندھ پبلک سروس کمیشن کے مسلسل عزم کی عکاسی کرتا ہے۔ فروری 2026 میں جاری ہونے والے ایس پی ایس سی سی سی ای 2023 کے حتمی نتائج میں مجموعی میرٹ پوزیشنز اور مختلف صوبائی گروپس اور سروسز کے لیے تقرریوں کی تفصیلات شامل ہیں۔ کمیشن نے شارٹ لسٹ کیے گئے امیدواروں کے انٹرویوز اکتوبر، نومبر، دسمبر 2025 اور جنوری 2026 کے دوران حیدرآباد اور کراچی میں منعقد کیے، جس کے ساتھ ہی اس مقابلے کے امتحان کے تینوں مراحل مکمل ہو گئے۔
