• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغان طالبان کا وانا میں کامیاب حملے سے متعلق دعویٰ بے نقاب

آج کا اخبار
اہم خبریں
16 مارچ ، 2026
اسلام آ باد ( نیوز رپورٹر)وزارت اطلاعات و نشریات نے افغان طالبان کی وزارت دفاعی امور کی جانب سے وانا میں کامیاب حملے کا دعویٰ بے نقاب کر دیا۔ وزارت اطلاعات و نشریات کی جانب سے اتوار کو جاری کردہ بیان میں کہا گیا ہے کہ افغانستان کی وزارت دفاعی امور نے وانا میں کامیاب حملے کا دعویٰ کیا ہے جبکہ حقیقت یہ ہے کہ جنوبی وزیرستان میں ایک ڈرون کو Soft Kill Measures کے ذریعے تباہ کیا گیا اور کسی فوجی تنصیب یا انفراسٹرکچر کو نقصان نہیں پہنچا۔ بیان میں کہا گیا ہے کہ طالبان حکومت کا یہ دعویٰ ان کے اس قائم شدہ طرز عمل کی عکاسی کرتا ہے جسکے تحت وہ پروپیگنڈا اور من گھڑت دعوے پھیلاتے ہیں جیسا کہ حال ہی میں پاکستان ایئر فورس کا طیارہ مار گرانے اور پائلٹس کو گرفتار کرنے کا جھوٹا دعویٰ کیا گیا۔ لہٰذا ایسے دعوؤں پر بھروسہ نہیں کیا جا سکتا۔ سچ ہمیشہ جھوٹ پر غالب آتا ہے۔
اہم خبریں سے مزید