فرمان الہی
نماز کے اوقات
اسلام آباد (تجزیہ؛ عاصم جاوید) کیا پی ٹی آئی عوامی حمایت کھو چکی ہے؟ مظفر آباد جلسہ کی ناکامی پی ٹی آئی کیلئے سیاسی وارننگ سے کم نہیں۔ مظفر آباد جلسہ سے ثابت ہوا کہ پی ٹی آئی کی عوامی کشش پہلے جیسی نہیں رہی۔ مظفر آباد جلسہ گاہ میں کرسیاں بھرنے میں ناکامی صرف جلسے کا مسئلہ نہیں، ایک سیاسی انتباہ ہے، خالی کرسیاں واضح پیغام تھا کہ "پی ٹی آئی کی عوامی کشش پہلے جیسی نہیں رہی۔ گذشتہ روز پاکستان تحریک انصاف کی جانب سے مظفرآباد کے اپنے ایونٹ کو خیبر پختونخوا سے باہر سیاسی قوت کے مظاہرے کے طور پر پیش کیا گیا اور وزیراعلیٰ خیبر پختونخوا سہیل آفریدی کی آمد کیلئے مکمل سیاسی ماحول بنایا گیا۔ بینرز، میڈیا کی موجودگی اور ایک بڑے اجتماع کا تاثر دینے کیلئے کرسیاں لگائی گئیں لیکن مجمع انتظامات کے مطابق نہیں آیا۔ پنڈال میں 300 سے زائد کرسیاں خالی رہیں۔ جسے پاور شو بننا تھا، وہ پی ٹی آئی کیلئے ایک کھلا حقیقت پسندانہ جائزہ بن گیا۔ پیغام واضح تھا کی پی ٹی آئی کے پاس نعرے، بینرز اور اسٹیج پر قیادت تو موجود ہے، مگر عوام کو میدان میں لانے کی صلاحیت پر سنجیدہ نظرثانی کی ضرورت ہے۔ ایک ایسی جماعت کیلئے جو کبھی بڑے مقامات بھرنے اور بے مثال عوامی طاقت کا دعویٰ کرتی تھی، یہ محض کمزور حاضری نہیں تھی بلکہ ایک سیاسی وارننگ تھی۔ مظفرآباد کی خالی کرسیوں نے وہ بات کہہ دی جسے کوئی تقریر چھپا نہیں سکتی کہ "پی ٹی آئی کی عوامی کشش پہلے جیسی نہیں رہی۔" یہ جلسہ پی ٹی آئی کیلئے رک کر سوچنے کا موقع ہونا چاہئے۔ پارٹی کو خود سے چند مشکل سوالات پوچھنے ہوں گے۔ کیا جماعت اب بھی اپنے کارکنوں سے جڑی ہوئی ہے؟ کیا اس کا مقامی تنظیمی ڈھانچہ فعال ہے؟ کیا لوگ اب بھی اس کیلئے اپنے علاقوں سے باہر نکلنے کو تیار ہیں؟ مظفرآباد صرف ایک ناکام ایونٹ ہی نہیں تھا، یہ ایک سیاسی حقیقت کا سامنا تھا۔ پی ٹی آئی مظفرآباد طاقت دکھانے گئی تھی۔ کرسیاں آئیں مگر عوام نہیں آئے۔ وزیر اعلیٰ خیبر پختونخوا سہیل آفریدی نے ایک ایسے "بڑے اجتماع" سے خطاب کیا جہاں 300 سے زائد کرسیاں ان مہمانوں کا انتظار کرتی رہیں جو کبھی نہیں آئے۔ پی ٹی آئی آزاد کشمیر میں پاور شو چاہتی تھی، نتیجہ ایک حقیقت پسندانہ جائزہ نکلا۔ پی ٹی آئی کے مظفرآباد جلسے کی خالی کرسیاں موبلائزیشن ٹیم سے زیادہ منظم دکھائی دیں۔ جو جماعت کبھی مینارِ پاکستان بھر دیتی تھی، اس کیلئے مظفر آباد میں کرسیاں بھرنے میں ناکامی صرف جلسے کا مسئلہ نہیں، ایک سیاسی انتباہ ہے۔ پی ٹی آئی بینرز، کرسیاں اور وزیر اعلیٰ تو لے آئی، کمی صرف عوام کی رہ گئی۔ مظفرآباد نے صرف کمزور حاضری نہیں دکھائی، اس نے کمزور زمینی تنظیم بھی بے نقاب کر دی۔ یہ محض کم حاضری والا جلسہ نہیں تھا، یہ یاد دہانی تھی کہ سیاسی مقبولیت اسٹیج سے نہیں کہی جاتی، زمین پر ثابت کی جاتی ہے۔ پی ٹی آئی کو مظفر آباد کو اسپن کے بجائے غور و فکر کا لمحہ سمجھنا چاہئے۔ خالی نشستیں اپنا فیصلہ پہلے ہی سنا چکی ہیں۔ یہ جلسہ پی ٹی آئی کی خیبر پختونخوا سے باہر رسائی ثابت کرنے کیلئے تھا، اس کے بجائے اس نے ثابت کیا کہ جماعت کو اپنے ہی ووٹر اور کارکن سے دوبارہ رابطہ جوڑنے کی ضرورت ہے۔
