• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت کی پالیسیوں نے عوام کا جینا دوبھر کر دیا، نائب امیر جماعت اسلامی ملتان

میرا شہر
ملتان
02 مئی ، 2026
ملتان(سٹاف رپورٹر) نائب امیر جماعت اسلامی ملتان چوہدری اطہر عزیز ایڈووکیٹ نے کہا کہ موجودہ حکومت کی پالیسیوں نے عوام کا جینا دوبھر کر دیا ہے،انہوں نے کہا کہ پٹرولیم مصنوعات پر بھاری لیویاور بجلی کے بلوں میں بے جا ٹیکسز کے ذریعے غریب عوام کا مسلسل استحصال کیا جا رہا ہے،ان خیالات کا اظہار انہوں نے جماعت اسلامی ملتان کے زیر اہتمام مہنگی بجلی اور پیٹرولیم مصنوعات کی قیمتوں میں اضافے کے خلاف احتجاجی مظاہرے کے شرکاسے خطاب کرتے ہوئے کیا،اس موقع پر ڈاکٹر خالد رشید، عبد الرحمٰن قریشی ناظم علاقہ اور دیگر ذمہ دران بھی موجود تھے، اطہر عزیز ایڈوکیٹ نے کہا کہ فی لیٹر پٹرول پر بھاری ٹیکس وصول کیے جا رہے ہیں جب کہ بجلی کے بلوں میں جی ایس ٹی، فیول ایڈجسٹمنٹ، نیلم جہلم سرچارج اور دیگر مدات شامل کر کے عوام پر ناقابل برداشت بوجھ ڈالا جا رہا ہے،چوہدری اطہر عزیز ایڈووکیٹ نے کہا کہ حکومت ایک طرف عوام سے اربوں روپے اکٹھے کر رہی ہے جب کہ دوسری طرف آئی پی پیز کو کیپسٹی چارجز کی مد میں بھاری ادائیگیاں کی جا رہی ہیں، ان کا کہنا تھا کہ کسان، مزدور اور عام شہری سب ہی ان پالیسیوں سے بری طرح متاثر ہو رہے ہیں، انہوں نے مطالبہ کیا کہ پٹرولیم لیوی اور بجلی کے ظالمانہ ٹیکسز فوری ختم کیے جائیں، آئی پی پیز معاہدوں پر نظرثانی کی جائے اور عوام کو حقیقی ریلیف فراہم کیا جائے، اگر عوامی مسائل حل نہ کیے گئے تو احتجاج کا دائرہ مزید وسیع کیا جائے گا۔
ملتان سے مزید