• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول بھٹو زرداری سے پارٹی رہنماؤں کی الگ الگ ملاقاتیں

آج کا اخبار
اہم خبریں
09 مئی ، 2026
کراچی ( اسٹاف رپورٹر)بلاول بھٹو زرداری سے پارٹی رہنمائوں کی الگ الگ ملاقاتیں ،سندھ کی ترقی، سیاسی و تنظیمی صورتحال اور عوامی مسائل سے متعلق اہم امور پر تفصیلی تبادلہ خیال کیاگیا،تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے وزیر سندھ کے معاون خصوصی سید قاسم نوید قمر،رکن قومی اسمبلی شاہدہ رحمانی،ڈپٹی میئرحیدرآباد صغیرقریشی اور پارٹی رہنمائوں نے الگ الگ بلاول ہائوس میں ملاقاتیں کیں، ملاقوں میں صوبے کی ترقی، سیاسی و تنظیمی صورتحال اور عوامی مسائل سے متعلق امور پر تفصیلی تبادلہ خیال کیا گیا۔تفصیلات کے مطابق وزیراعلی سندھ کے معاونِ خصوصی برائے پبلک پرائیوٹ پارٹنرشپ سید قاسم نویدقمرنے چیئرمین پیپلزپارٹی سے ملاقات کی۔ اس موقع پر سندھ میں جاری پبلک پرائیوٹ پارٹنرشپ منصوبوں کی پیشرفت پر بریفنگ دی گئی۔ ملاقات میں سندھ کے وزیراعلی سندھ سید مراد علی شاہ بھی موجود تھے۔ قاسم نوید قمر نے مختلف ترقیاتی منصوبوں، سرمایہ کاری کے مواقع اور عوامی سہولیات کے حوالے سے جاری اقدامات سے آگاہ کیا۔
اہم خبریں سے مزید