فرمان الہی
نماز کے اوقات
کراچی (سید محمد عسکری) سندھ کی سرکاری جامعات میں اساتذہ، ملازمین اور طلبہ کی حاضری، تدریسی نظم و ضبط اور انتظامی نگرانی کے نظام میں بڑی تبدیلی کے لئے سندھ ہائر ایجوکیشن کمیشن (ایس ایچ ای سی) نے صوبے کی پانچ بڑی سرکاری جامعات میں بائیومیٹرک حاضری، کلاس رومز کی ڈیجیٹل نگرانی اور مرکزی ڈیٹا انٹیگریشن پر مشتمل ایک جامع ڈیجیٹلائزیشن منصوبہ شروع کرنے کا فیصلہ کیا ہے۔ اس مقصد کے لئے سندھ حکومت کے محکمہ سائنس اینڈ انفارمیشن ٹیکنالوجی سے تکنیکی معاونت اور ضروری انفرااسٹرکچر کی فراہمی کے لئے سمری ارسال کردی ہے۔ سندھ ہائر ایجوکیشن کمیشن کے چیئرمین پروفیسر ڈاکٹر ایس ایم طارق رفیع کی جانب سے بھیجی گئی سمری میں اعلیٰ تعلیمی اداروں میں شفافیت، احتساب اور مؤثر انتظامی نگرانی کو فروغ دینے کے لئے جدید ڈیجیٹل نظام متعارف کرانے کی ضرورت پر زور دیا گیا ہے۔
