فرمان الہی
نماز کے اوقات
کراچی(اسٹاف رپورٹر) مینز ہاکی ورلڈ کپ میں جنوبی افریقا کو پوزیشن کے میچ میں سخت مقابلے کے بعد پنالٹی شوٹ پر4-3سے شکست دے کر 11ویں پوزیشن پر اپناسفر ختم کیا، مقررہ وقت تک مقابلہ 4-4 گول سے برابرتھا۔ پاکستان ہاکی ٹیم نے 6 میچز کھیلے دو جیتے، تین ہارے ایک ڈرا کیا۔ جنوبی افریقا کی جانب سے ڈیل لورا ٹریور اور کاسیم دایان نے گول کر کے اپنی ٹیم کو 0-2 کی برتری دلائی۔ تاہمپاکستان نے واپسی کی اور افراز اور محمد عماد نے گول کر کے 2-2 سے برابر کر دیا۔ 32 ویں منٹ میں رانا وحید اشرف نے پاکستان کو 2-3 کی برتری دلا دی۔ جنوبی افریقا کی طرف سے کاسیم مصطفیٰ نے دو متواتر گول کر کے مقابلہ 4-3 کر دیا ۔ میچ کے آخری لمحات میں پاکستان کے محمد حماد الدین نے بہترین انداز میں بال کو جال کی راہ دکھا کر اسکور 4-4 سے برابر کر دیا۔ پاکستانی گول کیپر وقار نے دو یقینی شوٹ روکے۔
