• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اسلام آباد کے مختلف علاقوں سے 8 لڑکیوں سمیت 9 افراد اغواء

میرا شہر
اسلام آباد
12 نومبر ، 2023
راولپنڈی(سٹاف رپورٹر)راولپنڈی اسلام آباد کے مختلف علاقوں سے 8لڑکیوں اور ایک لڑکے کو اغواءکرلیاگیا۔تھانہ کھنہ کو اورنگزیب نے بتایاکہ اس کی15 سالہ بیٹی (ص) اغواء ہو گئی ۔تھانہ کھنہ کو پرنس مسیح نے بتایاکہ اس کی بہن (س)بی بی عمر 25سال بیوٹی پارلرمیں کام کرنے کیلئے گئی جس کو زیبی نے اپنےوالدفیصل اور خالہ عروج کے ہمراہ اغواکرلیا۔تھانہ کرپاکومحمدشیرازنے بتایاکہ اس کی27 سالہ بہن (ث) جو دوبچوں کی ماں ہے اپنے خاوندسے علیحدگی کے بعد ہمارے ہاں مقیم تھی کو عادل وغیرہ نے اغواءکرلیا۔ میری بہن کے پاس اس کاایک نومولودبچہ سیف اللہ بھی تھاوہ اسے بھی اپنے ہمراہ لے گئی۔تھانہ بھارہ کہوکو شازیہ بی بی نے بتایاکہ اس کی16 سالہ بیٹی (الف) کوکسی نے اغواءکرلیا۔تھانہ نون کو نادیہ افتخارنے بتایاکہ میرا 16 سالہ بیٹا عبدالرحمٰن افتخار جو 3نومبر کو اپنے چھوٹے بھائیوں کو سکول چھوڑنے گیااس کے بعدسے لاپتہ ہے ۔تھانہ رتہ امرال کو محمد جہانگیر نے بتایاکہ میری بیٹی (گ)کا سائرہ کے گھر کافی آنا جانا تھا جس کو سائرہ ،نسیم اورشیراز اغواء کر کے لے گئے۔تھانہ صادق آبادکو حکیم خان نے بتایا کہ اس کیبیٹی (ل) عمر 23 سال شناختی کارڈ بنوانے گئی جو تاحال واپس نہ آئی ۔تھانہ صدرواہ کو محمد ذیشان نے بتایا کہ اس کی بیوی (ک) عمر24سال اغوا ء ہو گئی ۔تھانہ دھمیال کو افتخار محمود نے بتایاکہ اس کی15 سالہ بیٹی (ل) کو اسامہ صغیر اغواء کر کے لے گیا ۔
اسلام آباد سے مزید