فرمان الہی
نماز کے اوقات
کراچی (اسٹا ف رپورٹر)سندھ بوائے اسکاؤٹس ایسوسی ایشن کے زیر اہتمام 21تا 26 دسمبر شہید ذوالفقار علی بھٹو جمبوموٹ جبکہ 27تا 30دسمبر تک شہید بے نظیر بھٹو گرل اسکاؤٹس جمبوموٹ کا انعقاد گلستان اسکاؤٹس ٹریننگ سینٹر پر کیا جائے گا، جس میں سندھ کے علاوہ پاکستان کے دیگر صوبوں سے اسکاؤٹس اور روور ز شرکت کریں گے ۔ اس بارے میں صوبائی سیکریٹری سید اختر میر کا کہنا ہے کہ ذوالفقار علی بھٹو جمبو موٹ کی افتتاحی تقریب 21دسمبر کو منعقد ہوگی اور اس کا اختتام 26دسمبر کو ہوگا ، توقع ہے کہ افتتاحی تقریب کے مہمان خصوصی وزیر اعلی سندھ سید مراد علی شاہ ہوں گے جبکہ اختتامی تقریب کے مہمان خصوصی سندھ کے چیف اسکاؤٹ گورنر سندھ کامران خان ٹیسوری ہوں گے، جبکہ موٹ کی دیگر تقریبات میں صوبائی وزراء مہمان خصوصی کی حیثیت سے شرکت کریں گے۔ علاوہ ازیں شہید بے نظیر بھٹو جمبو موٹ کی افتتاحی تقریب 27دسمبراور اختتامی تقریب 30دسمبر کو منعقد ہوگی ۔ جمبوموٹ میں کیمپ انسپکشن ، اسمبلی ، ایمرجنسی ریسپانس ، مشاعرہ، کلچرل شو، کیمپ فائر ،کمیونٹی ڈیولپمنٹ ،ساحل کا سفر ،سولر، خیمہ باشی ، لیفٹ جمپ ریس ،ذہنی آزمائشی ،بھالا ریس ،رسہ کشی، ڈسٹ بین دا بال ، ریل ریلے ریس ، بغیر برتن کے کھانا پکانا ، ٹائی دا ریف ناٹ ، جمپ ، بریج ،مہارتی اور دیگر سرگرمیاںکرائی جائیں گی ۔موٹ کا مرکزی خیال ’’زندگی کیلئے تیار‘‘ ہے جبکہ موٹ چیف وفاقی محتسب انشورنس اور صوبائی اسکاؤٹ کمشنر سید ممتا ز علی شاہ جبکہ موٹ پیٹرن چیئرمین پریزنر ویلفیئر کمیٹی سندھ محمد صدیق میمن اور موٹ ڈائریکٹر محمد حسین مرزا ہوں گے ۔ واضح رہے کہ شہید ذوالفقار علی بھٹو جمبو موٹ میں تقریبا 1500سے زائد اسکاؤٹس اور رووز شرکت کریں گے جبکہ شہید بے نظیر بھٹو گرل اسکاؤٹس جمبوموٹ میں 1000سے زائد گرل اسکاؤٹس کی شرکت متوقع ہے۔
