فرمان الہی
نماز کے اوقات
اسلام آباد(ایجنسیاں،مانیٹرنگ ڈیسک) اسلام آباد ہائیکورٹ کے رجسٹرار نے آئندہ ہفتے کا روسٹر جاری کردیا۔
لاہور ہائیکورٹ سے آنے والے جسٹس سرفراز ڈوگر سینئر پیونی جج کیلئے مخصوص بنچ نمبر 2 میں شامل، جسٹس محسن اختر کیانی اب بینچ نمبر 3 کی سربراہی کرینگے،سندھ ہائیکورٹ سے آنیوالے جسٹس خادم حسین سومرو 9 ویں بینچ اور بلوچستان ہائیکورٹ سے آئے جسٹس محمد آصف 11ویں بینچ میں شامل ہیں۔
تفصیلات کے مطابق اسلام آباد ہائیکورٹ کے رجسٹرار نے آئندہ ہفتے کا روسٹر جاری کردیا۔
چیف جسٹس اسلام آباد ہائیکورٹ جسٹس عامر فاروق نے خط لکھنے والے پانچ ساتھی ججوں کی رائے سے اتفاق نہ کیا۔ پاکستان کی تین دیگر ہائیکورٹس سے ٹرانسفر ہونے والے تین ججوں کا نام نئے ہفتے کی کاز لسٹ میں شامل کر لیا گیا۔
نئی کاز لسٹ کے مطابق لاہور ہائیکورٹ سے آنے والے جسٹس سرفراز ڈوگر سینئر پیونی جج کیلئے مخصوص بینچ نمبر 2 میں شامل ہیں۔
اس سے پہلے بینچ 2 کی سربراہی کرنیوالے جسٹس محسن اختر کیانی آج سے اسلام آباد ہائیکورٹ کے بینچ نمبر 3 کی سربراہی کرینگے۔
سنگل بینچز کی فہرست میں بھی جسٹس سرفراز ڈوگر کا نام دوسرے اور جسٹس محسن کا نام تیسرے نمبر پر موجود ہے۔سندھ ہائیکورٹ سے آنیوالے جسٹس خادم حسین سومرو 9 ویں اور بلوچستان ہائیکورٹ سے آنیوالے جسٹس آصف 11ویں نمبر پر موجود ہیں۔
قبل ازیں اسلام آباد ہائیکورٹ کے پانچ ججوں نے اپنے خط میں یہ مؤقف اختیار کیا تھا کہ ٹرانسفر ججوں کو نیا حلف لینا ہوگا اور انکی سنیارٹی بھی اسی دن سے شمار ہوگی۔پانچ ججوں کے مطابق اگر اس طریقے کو نظر انداز کیا یہ تو یہ آئین سے فراڈ ہوگا۔
اس سےقبل صدر مملکت آصف زرداری نے پنجاب، سندھ اور بلوچستان ہائیکورٹس سے 3 ججز کا اسلام آباد ہائیکورٹ تبادلہ کیا تھا۔ چیف جسٹس اسلام آباد ہائیکورٹ نے ترمیم شدہ ہفتہ وار روسٹر جاری کرنے کی منظوری دی۔
ڈپٹی رجسٹرار جوڈیشل اور رٹ برانچ کا تمام عملہ اتوار کو چھٹی کے دن بھی عدالت میں موجود رہا۔
