فرمان الہی
نماز کے اوقات
اسلام آباد (صباح نیوز)وزیر دفاع خواجہ آصف نے نے کہا کہ پی ٹی آئی رہنماؤں کی بنیادی خصوصیت بے شرمی ہے، اور اس کی واضح مثال عارف علوی ہی، عارف علوی بے شرمی سے صدارت کی کرسی سے چمٹے رہے جبکہ ان کی جماعت اعتماد کا ووٹ ہار چکی تھی۔خواجہ آصف نے سوشل میڈیا پر جاری پوسٹ میں کہا کہ عارف علوی نے اپنے دورِ صدارت میں ہونے والے انتخابات کو خود ہی دھاندلی زدہ قرار دیا لیکن اگر واقعی فنڈز کا غلط استعمال ہو رہا تھا تو انہوں نے تب آواز کیوں نہیں اٹھائی؟۔وزیر دفاع نے کہاکہ عارف علوی کے پاس دو سال کا وقت تھا کہ وہ عزت کے ساتھ مستعفی ہو جاتے، لیکن وہ بے شرمی کے ساتھ اقتدار سے چمٹے رہے۔
