فرمان الہی
نماز کے اوقات
اسلام آباد (عاطف شیرازی)بجلی بلوں میں 21ارب کی اووربلنگ، افسران و ملازمین کو بغیر سزا چھوڑنے کا انکشاف،پبلک اکاؤنٹس کمیٹی،پاور سیکٹر کےٹاپ300نادہندگان کی فہرست طلب،جنید اکبر وزارت خزانہ حکام پر برہم ، کمیٹی میں انکشاف ہوا9 بجلی کی تقسیم کار کمپنیاں ڈیفالٹرز سے سینکڑوں ارب کی ریکوری نہ کراسکیں، ڈیفالٹرز سے 877 ارب کی ریکوری نہ کرانے سے متعلق آڈٹ اعتراض زیر غورلایا گیا،پارلیمنٹ کی پبلک اکاؤنٹس کمیٹی کا اجلاس چیئرمین جنید اکبر خان کی صدارت میں ہوا ،اجلاس میں بجلی بلوں میں 21ارب کی اووربلنگ، افسران و ملازمین کو بغیر سزا چھوڑنے کا انکشاف، کمیٹی نے پاور سیکٹرکےٹاپ300نادہندگان کی فہرست طلب کر لی ، چیئرمین کمیٹی جنید اکبر نے ہدایت کی کہ ہر مہینے ہمیں بتایا جائے کہ ریکوری کتنی ہوئی ہے، یہ بھی بتایا جائے کہ کتنے افسران کے خلاف ایکشن لیا۔
