• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جامعہ دارالعلوم حقانیہ حملہ ناقص سیکورٹی اقدامات کا شاخسانہ ہے، عبدالواسع

میرا شہر
پشاور
01 مارچ ، 2025
پشاور(جنگ نیوز)جماعت اسلامی خیبرپختونخوا وسطی کے امیر اور ملی یکجہتی کونسل کے صوبائی صدر عبدالواسع نے جامعہ دارلعلوم حقانیہ اکوڑہ خٹک میں نماز جمعہ کے دوران خودکش حملے میں دارلعلوم حقانیہ کے نائب مہتم اور جمعیت علمائے اسلام (س)کے سربراہ سابق رکن قومی اسمبلی مولانا حامد الحق حقانی سمیت متعدد نمازیوں کی شہادتوں پر دلی افسوس کا اظہار کرتے ہوئے اسے انتہائی بزدلانہ عمل قراردیا ھے انہوں نے کہا ہے کہ ایک ایسے وقت میں کہ جب اسلامی نقطہ نظر سے رحمتوں اور برکتوں کے مہینہ رمضان المبارک کا آغازیونے والا ہے ایسے میں صوبے کے سب سے بڑے اور خطے کے معروف دینی درسگاہ جامعہ دارلعلوم حقانیہ اکوڑہ خٹک پر خودکش حملہ ملک کی امن وامان کو سبوتاژ کرنے کی گھناونی سازش ہے جس کی جتنی بھی مزمت کی جائے وہ کم ہے۔انہوں نے کہا ہے کہ جامعہ دارلعلوم حقانیہ جیسے بڑے ادارے پر حملہ مرکزی اور صوبائی حکومتوں کی ناقص سیکورٹی اقدامات کا شاخسانہ ہے۔
پشاور سے مزید